२,४३,८५२ रुपयांचा केला अपहार
मुंबई–बॉलिवूड अभिनेत्री आणि निर्माती कीर्ती कुल्हारी यांनी त्यांच्या क्रेडिट कार्डवर काही मिनिटांतच एकूण २,४३,८५२ रुपयांचे अनधिकृत व्यवहार झाल्यानंतर पोलिसांत तक्रार दाखल केली आहे.
तक्रारीनुसार, कुल्हारी अंधेरी पश्चिम येथील फन रिपब्लिक मॉलजवळील एका चित्रपटगृहात असताना त्यांना एरोमेक्सिकोसोबत २,५२५ डॉलरचा व्यवहार झाल्याची सूचना मिळाली.
परदेशातील अनोळखी शुल्क लक्षात येताच त्यांनी तात्काळ आपल्या बँकेच्या ग्राहक सेवा हेल्पलाइनशी संपर्क साधला. बँकेच्या अधिकाऱ्यांनी नंतर त्यांना कळवले की, त्यांच्या परवानगीशिवाय कार्डवर चार मोठे व्यवहार झाले होते.
सुरक्षेचा उपाय म्हणून क्रेडिट कार्ड ब्लॉक करण्यात आले.
कुल्हरी यांनी पोलिसांना सांगितले की, त्यांनी आपल्या कार्डचा पासवर्ड किंवा इतर कोणतीही गोपनीय माहिती कोणासोबतही शेअर केली नव्हती. मालवेअर, स्पायवेअर किंवा सायबर घुसखोरीच्या इतर प्रकारांमुळे त्यांच्या फोन किंवा कार्डची माहिती धोक्यात आली आहे का, याचा तपास अधिकारी करत आहेत. पोलिसांनी अज्ञात व्यक्तींविरुद्ध गुन्हा दाखल केला असून, व्यवहार संदर्भ क्रमांक आणि इतर डिजिटल नोंदींच्या आधारे संशयितांचा शोध घेण्याचा प्रयत्न करत आहेत.
कुलहरी अलीकडेच ‘शेखर होम’ या स्ट्रीमिंग सीरिजमध्ये दिसली होती. तसेच, तिने नुकतेच निर्माती म्हणून तिच्या पहिल्या फीचर फिल्मचे चित्रीकरण पूर्ण केले आहे.