मुंबई: अंधेरी पूर्वेतील (Andheri east) ४२ वर्षीय इलेक्ट्रिशियन एका महिलेच्या पाळीव कुत्र्याने चावा(Dog bite) घेतल्याने गंभीर जखमी झाला. एमआयडीसी पोलिसांनी (MIDC Police) सदर महिलेविरुद्ध एफआयआर दाखल केला आहे.
जखमी संजय पांचाळ यांच्यावर २८ जानेवारी रोजी रात्री १० वाजता जय महाकाली चाळ आणि शिवसेना शाखा क्रमांक ७९ जवळील हंजर नगर पंप हाऊसजवळ(Pump House) कुत्र्याने हल्ला केला. तक्रारीनुसार, पांचाळ मित्राच्या घरी जेवण करून घरी परतत असताना अचानक एका पांढऱ्या रंगाच्या कुत्र्याने त्यांच्या उजव्या कंबरेला चावा घेतला.
कुत्र्याला हाकलून लावण्याचा प्रयत्न करत असताना, रेखा पाईकेकर आणि मीनाक्षी उत्तरे यांनी आरडाओरडा केला, ज्यामुळे कुत्रा बाबू रेवाला चाळकडे पळून गेला. स्थानिक लोक घटनास्थळी जमा झाले. कुत्र्याची मालक असलेलली सोनी अनिलकुमार पांडे (३५) स्थानिकांशी वाद घालत होती.
पांचाळ यांनी १०० क्रमांकावर फोन केला आणि एमआयडीसी पोलीस काही मिनिटांतच घटनास्थळी पोहोचले. पोलिसांनी कुत्रा सोनी पांडेचा असल्याचे पुष्टी केली आणि पांचाळ यांना वैद्यकीय तपासणीसाठी नेले, असे फ्री प्रेस जर्नलच्या वृत्तांत म्हटले आहे.