अंधेरी: बुधवारी सकाळी झालेल्या मान्सून पूर्व पावसामुळे अंधेरी सबवे पाण्यात बुडाल्याने सकाळच्या गर्दीच्या वेळी वाहतूक ठप्प झाली. सकाळी ७:४० वाजता सबवे बंद करण्यात आला. महापालिकेने पाणी उपसून ८:२४ वाजता वाहतूक पुन्हा सुरू करण्यात आली.
वर्सोवा पंपिंग स्टेशनवर एका तासात ६९ मिमी पाऊस झाला. कूपर रुग्णालय परिसरात ५२ मिमी, के-पूर्व प्रभागामध्ये ४९ मिमी, तर के-पश्चिम प्रभागामध्ये ४६ मिमी पाऊस नोंदवला गेला.
जोगेश्वरी, मालाड, कांदिवली, बोरीवलीसह अनेक भागांत मुसळधार पाऊस झाला. काही ठिकाणी पाणी साचल्याने रस्ते व निवासी भाग प्रभावित झाले.
भारतीय हवामान विभागाने (IMD) ३ आणि ४ जूनसाठी यलो अलर्ट जारी केला आहे. वीज चमकणे, जोरदार वारे (४०-५० किमी/तास) आणि मेघगर्जनेसह पाऊस सुरू राहण्याची शक्यता आहे.