जुहू: बॉलिवूड अभिनेत्री रवीना टंडनचा Raveena Tandon भाऊ राजीव टंडन याच्या जुहू Juhu येथील निवासस्थानातून २५ लाख रुपयांचे सोन्याचे दागिने चोरल्याप्रकरणी जुहू पोलिसांनी Juhu Police Station एका ४७ वर्षीय महिलेला अटक Arrest केली आहे. राशी छाबरिया असे आरोपीचे नाव असून ती खार येथे राहते. तिच्यावर अभिनेत्री रवीना टंडनच्या वृद्ध आईची काळजी घेण्याची जबाबदारी सोपवण्यात आली होती. ती अनेकदा घरी येत असे. तिने दागिने असलेली तिजोरी फोडून टंडनच्या आईचे सोन्याचे दागिने आणि राजीव टंडन यांची दोन महागडी घड्याळे चोरल्याचा Theft आरोप आहे. राजीवने दिलेल्या तक्रारीच्या आधारे एफआयआर FIR नोंदवण्यात आला.
पोलिसांच्या माहितीनुसार, तक्रारदार राजीव टंडन (वय ५९) हे चित्रपट निर्माते असून ते जुहू येथील निप्पॉन सोसायटीमधील टंडन हाऊसमध्ये राहतात. टंडन यांनी त्यांच्या एफआयआरमध्ये आरोप केला आहे की, ऑगस्ट २०२५ मध्ये त्यांच्या निवासस्थानी नूतनीकरणाचे काम सुरू असताना, घरातील अनेक मौल्यवान वस्तू सुरक्षित ठेवण्यासाठी त्यांच्या बहिणीच्या घरी हलवण्यात आल्या होत्या. मात्र, वीणा टंडन (रवीनाची आई) यांचे सोन्या-हिऱ्यांचे दागिने दुसऱ्या मजल्यावर राजीव टंडन यांच्या बेडरूमला लागून असलेल्या वॉर्डरोब रूममधील तिजोरीत बंद होते.
एफआयआरमध्ये नमूद केल्यानुसार, २ ऑक्टोबर २०२५ रोजी, जेव्हा टंडन कुटुंबाने दसरा सणासाठी (विजयादशमी) आपले दागिने तपासले, तेव्हा त्यांना तिजोरी फोडलेली आढळली. अनेक सोन्या-हिऱ्यांच्या दागिन्यांसह दोन महागडी मनगटी घड्याळे गायब असल्याचे दिसून आले.
राजीव टंडन यांनी आरोप केला आहे की, राशी छाब्रिया २०२० पासून परस्पर ओळखीच्या व्यक्तींमार्फत टंडन कुटुंबाच्या जुहू येथील निवासस्थानी येत होती. पती आणि आई-वडिलांच्या मृत्यूनंतर, छाब्रियाचे त्या कुटुंबाशी घनिष्ठ संबंध निर्माण झाले आणि टंडन कुटुंबाने तिला घरात प्रवेश दिला. तिथे ती अधूनमधून जेवण बनवत असे. राजीवच्या ८६ वर्षीय आई, वीणा टंडन, यांची काळजी घेण्यास मदत करत असे.
दुसऱ्या मजल्यावर फक्त कुटुंबातील सदस्य आणि राशी यांनाच भेटण्याची परवानगी होती. त्यामुळे तिच्यावर संशय आल्याने, राजीव टंडन यांनी तिला जाब विचारला. पण तिने सुरुवातीला हरवलेल्या मौल्यवान वस्तूंबद्दल काहीही माहिती नसल्याचे नाकारले. तथापि, जेव्हा कुटुंबाने पोलिसांकडे जाण्याचा निर्णय घेतला, तेव्हा छाब्रियाने तिजोरी फोडून दागिने आणि घड्याळे घेतल्याचे कबूल केले, असे जुहू पोलीस स्टेशनच्या एका पोलीस अधिकाऱ्याने सांगितले. एफआयआरमध्ये नमूद केल्यानुसार, छाब्रियाने दोन घड्याळे परत केली, परंतु दागिने परत केले नाहीत. तिने ते जगदीश नावाच्या व्यक्तीला दिल्याचे सांगितले आणि दागिने परत करण्याचे आश्वासन दिले.
तथापि, वारंवार पाठपुरावा करूनही, तिने त्या मौल्यवान वस्तू कधीही परत केल्या नाहीत. तक्रारदाराने एफआयआरमध्ये पुढे असा आरोप केला आहे की, छाब्रियाने तिच्या एका साथीदारामार्फत, जो कथितरित्या पोलिसांचा खबरी आहे, त्याला दागिने परत करण्यासाठी दबाव टाकल्यास खोट्या अमली पदार्थांच्या प्रकरणात गोवण्याची धमकी दिली, असे एका पोलीस अधिकाऱ्याने सांगितले.
चोरलेल्या दागिन्यांमध्ये सोन्याच्या बांगड्या, ब्रेसलेट्स, नेकलेस, लॉकेट्स, अंगठ्या, कानातले, हिऱ्यांनी जडवलेले मंगळसूत्र आणि इतर हिऱ्यांच्या दागिन्यांचा समावेश असून, त्यांची एकूण किंमत २५ लाख रुपये आहे. तक्रारदाराने असा आरोप केला आहे की, या दागिन्यांना खूप भावनिक महत्त्व आहे, कारण ते त्याच्या दिवंगत वडिलांनी त्यांच्या लग्नाच्या वेळी आणि नंतर त्याच्या आईला भेट म्हणून दिले होते, असे दुसऱ्या एका अधिकाऱ्याने सांगितले.
जेव्हा कुटुंबाला खात्री झाली की छाब्रिया दागिने परत करणार नाही, तेव्हा राजीवने जुहू पोलिसांशी संपर्क साधला आणि १९ मे रोजी तिच्याविरुद्ध गुन्हा दाखल केला. जुहू पोलिसांनी तिला २१ मे रोजी अटक केली. तिला न्यायालयात हजर करण्यात आले. ती २९ मे पर्यंत पोलीस कोठडीत होती, असे अधिकाऱ्याने सांगितले. ‘मौल्यवान वस्तूंचा शोध घेण्यासाठी तपास सुरू आहे,’ असेही अधिकाऱ्याने सांगितले असल्याचे दै.इंडियन एक्सप्रेस या इंग्रजी वृत्तपत्राच्या वृत्तात म्हटले आहे.