पालकांचा शोध घेण्यासाठी पोलिसांचा तपास सुरू
मुंबई: सोमवारी विले पार्ले येथील नाल्याजवळ एक अकाली जन्मलेले बाळ बेवारस अवस्थेत आढळले. पोलिसांनी पालकांचा शोध घेण्यासाठी तपास सुरू केला आहे.
पोलिसांनी सांगितले की, कूपर हॉस्पिटलच्या ड्रेनेज लाईनजवळ एक बेवारस बाळ सापडल्याचा त्यांना हॉस्पिटलमधून फोन आला. हॉस्पिटल मधील कर्मचाऱ्यांच्या म्हणण्यानुसार, जेव्हा ते बाळ आढळले तेव्हा ते रक्ताने माखलेल्या कापडात गुंडाळलेले होते.
अधिकारी तातडीने घटनास्थळी पोहोचले आणि मृतदेह शवविच्छेदनासाठी पाठवला. जुहू पोलीस स्टेशनच्या एका पोलीस अधिकाऱ्याने सांगितले की, “गर्भ सात ते आठ महिन्यांचा असावा असे दिसते आणि त्याची नाळ अखंड होती.”
बाळाची ओळख पटवण्यासाठी आणि मृतदेह टाकणाऱ्या व्यक्तीचा शोध घेण्यासाठी तपास अधिकारी जुहू, विले पार्ले आणि आसपासच्या परिसरातील सीसीटीव्ही फुटेज तपासत आहेत आणि हॉस्पिटलच्या नोंदींची पाहणी करत आहेत.
जुहू पोलीस स्टेशनचे वरिष्ठ पोलीस निरीक्षक बाबूराव गावडे यांनी सांगितले की, “आम्ही गुन्हा दाखल केला असून बाळाच्या पालकांचा शोध घेण्यासाठी तपास करत आहोत.” असे हिंदुस्थान टाईम्सच्या वृत्तात म्हटले आहे.